Komunidadi Kabu Verdiana Unido | 15 di Abril

CVC UNIDO sta ba ten un enkontru ku tudu komunidadi, 15 di Abril pa diskuti sobri midjora prusesu di skodje skola i distribuison di skola pa bu fidju.

Pa ki komunidadi Kabu Verdiana ser obidu, nu meste bus ideias!

Skodje Skola ker dizer…

Skola Públika di Boston sta diskuti muda prusesu di, manera ki pais ta selesiona skolas pa ses minis.  Nu ta kardita ma Kabu Verdianus ten ki ten vós na manera ki es sta skodje skola pa ses fidjus.

Distribuison di Skola ker dizer…

Skola Públika di Boston sta diskuti muda prusesu di, manera ki minis ta ser distribuidu ó kolokadu na diferentis skala. Nu ta kardita ma Kabu Verdianus ten ki ten vós na manera ki ses fidjus ta ser distribuidu na skola.

enkontru ku komunidadi na 15 di abril em 278 Bowdoin St. Dorchester Massachusetts

Kuzé ke CVC UNIDO?

CVC UNIDO ta promove puder i potensial di komunidadi Kabu Verdiana.  Nu ta difende pa, informa i organiza komunidadi Kabu Verdiana pa el alkansa se ben-star kultural, social i ikonómiku.

Fundadu na 2000 kómu Cape Verdean Task Force, CVC UNIDO sta dedikadu pa organiza en nomi nesesidadis di komunidadi.  Na pasadu, CVC UNIDO trabadja na asuntus ki ta reprezenta komunidadi Kabu Verdiana na meiu di governu local na reprezentason Kabu Verdianus na mídia.

Nós Famílias, Nós Komunidadis, Nós Vós

Pa mas informason visita CVCUNIDO.ORG ou entra em kontatu ku Paulo DeBarros: 617-645-6331 ou 617-319-5225